ഒന്നു്, മറ്റൊന്നിനെ കാണുന്നതു്

1.

ദൈവത്തിനോടിങ്ങനെ മിണ്ടിക്കൊണ്ടിരിക്കെ ഞാൻ ചോദിച്ചു, ‘ബോറടിക്കില്യേ ഈ ഏർപ്പാടു്?’

‘ഏതേർപ്പാടു്?’

‘അല്ല, ഈ മനുഷ്യരുടെ കാര്യങ്ങൾ. അവരുടെ വിശ്വാസം, ധാരണകൾ, ജീവിതം?’

‘പ്ഫൂ! അവിശ്വസിക്കപ്പെട്ടു്, തെറ്റിദ്ധരിക്കപ്പെട്ടു്, ഒരു പന്നീന്റെ ജീവിതം.’

ദൈവം ശാന്തതയോടെ തുടർന്നു പറഞ്ഞു, ‘തെറ്റിദ്ധരിക്കരുതു്, എന്റെ കാര്യം പറഞ്ഞതാണു്!’

2.

നീയെന്താണു് എന്താണിത്ര കണ്ണുകൾകൊണ്ടു ഉഴിയുന്നത്? സാരിയുടെ വിടവിലൂടെ എന്റെ ഉടലിലെ ഏത് ആഴത്തിലേയ്ക്കാണ് നീ ഇറങ്ങിപ്പോകുന്നത്? എന്റെ കക്ഷത്തെ വിയർപ്പുവട്ടം നിന്നെ കൊതിപ്പിക്കുന്നതെന്താണു്?

കഴിക്ക്, എന്നെ കഴിക്ക്. അവൾ അവന്റെ കൈയെടുത്തു മാറത്തുവച്ചു.

അവനു വിശന്നു.

അവൻ അവളുടെ ചർദ്ദിൽ നക്കിക്കഴിച്ചു.